Fyrsta tölublað Ritsins, kom út árið 2001. Þema þess heftis var kvikmyndaaðlaganir. Hvert eintak er tileinkað ákveðnu þema og birtir fræðigreinar tengdar því. Ritið birtir einnig aðsendar greinar á öllum sviðum hugvísinda auk greina um bækur og einnig þýðingar á nýjum og klassískum lykilgreinum hugvísinda.
Stefnan með útgáfu Ritsins er að gefa fólki kost á að lesa öflugt og vandað fræðirit sem er í fararbroddi menningar- og þjóðfélagsumræðu á Íslandi. Tímaritið er ritrýnt og eru ritstjórar Ásdís R. Magnúsdóttir og Björn Þorsteinsson.
Ritið kemur út þrisvar á ári og kostar árs áskrift 5.900 kr. Hægt er að gerast áskrifandi á skrifstofu Hugvísindastofnunar í síma 525 4462 eða með því að senda póst á hugvis@hi.is eða mgu@hi.is. Ritið fæst í betri bókabúðum og á skrifstofunni er hægt að nálgast eldri hefti. Nýir áskrifendur fá þau á góðum kjörum.
